Arkeologët e Universitetit të Kembrixhit përdorën radarin e përparuar të depërtimit të tokës (GPR) për të zbuluar në detaje mahnitëse kompleksin e banjës së qytetit, tregun, tempullin, monumentet publike dhe rrjetin e përhapur të tubave të ujit, transmeton lajmi.net.

Profesori Martin Millett, nga Fakulteti i Klasikës i Universitetit të Kembrixhit, tha: “Niveli mahnitës i detajeve që kemi arritur në Falerii Novi, dhe tiparet befasuese që GPR ka zbuluar, sugjerojnë që ky lloj studimi mund të transformojë mënyrën se si arkeologët hulumtojnë vendet urbane, si njësi totale”.

Ekipi përdori një biçikletë kuadratike për të tërhequr radarin mbi sipërfaqen brenda mureve të qytetit, mbi 30 hektarë, duke marrë lexime çdo 12.5 cm.

Falerii Novi, i vendosur rreth 30 milje në veri të Romës, ishte rreth gjysma e madhësisë së Pompeit dhe ishte i okupuar midis vitit 241BC dhe 700AD, shkruan Metro. Harta zbuloi se qyteti ishte i ndryshëm nga qytetet e tjera të studiuara si Pompei, duke sfiduar supozime të caktuara në lidhje me modelin urbanistik romak.

Arkitektura e tempullit, ndërtesat e tregut dhe banjot ishin më të hollësishme, ndërsa paraqitja e qytetit nuk ishte e standardizuar ashtu siç pritej zakonisht.

Ajo zbuloi gjithashtu një ndërtesë të gjatë drejtkëndëshe, e cila mendohet të ketë qenë një pishinë e hapur, si pjesë e ambienteve të banjës së qytetit dhe dy strukturave të mëdha pranë portës veriore të qytetit, që besohet të jetë pjesë e një monumenti publik ‘mbresëlënës’, për dallim nga gjithçka që shihet më parë. /Lajmi.net/