Arbeloa dëshiron të largohet nga Reali
Alvaro Arbeloa është dorëzuar përfundimisht. Mbrojtësi spanjoll duket se ka vendosur të largohet nga Real Madridi në ditët e fundit të afatit kalimtar të verës.
Sport
Alvaro Arbeloa nuk ndihet më rehat në Real Madrid. Me të arritur trajneri Carlo Ancelotti, mbrojtësi i djathtë ka përfunduar në bankinë, pasi trajneri italian e preferon më shumë Carvajalin.
Prandaj, ish futbollisti i Liverpoolit duket se e ka marrë një vendim mjaft të vështirë, atë të largimit nga Santiago Bernabeu, shkruan ‘El Chiringuito’.
Arbeloa ka marrë kritika për paraqitjet e tij, kur i është dhënë rasti, kështu që dëshiron ta gjejë një ekip ku mund të luajë në vazhdimësi dhe pa presion.