Apple ndërron falas bateritë e iPhone 6S
Pas problemeve te bateria e Samsung Galaxy Note 7, edhe rivali kryesor Apple po përballet me shqetësime nga përdoruesit e saj.
![](https://lajmi.net/wp-content/uploads/2016/11/iphone_1479761022-3095043.jpg)
Auto & Tek
Disa përdorues të iPhone 6S janë ankuar se telefonat e tyre po ndalen papritmas dhe për këtë Apple menjëherë ka reaguar.
“Apple ka kuptuar që një numër shumë i vogël i pajisjeve iPhone 6S po ndalen papritmas. Kjo nuk është çështje sigurie dhe prek vetëm një sasi të limituar që janë prodhuar mes muajve shtator e tetor të vitit 2015”, thuhet në një njoftim të Apple-it.
Kompania ka sugjeruar se ata që kanë probleme të tilla ta dërgojnë pajisjen te dega e kompanisë dhe të kërkojnë zëvendësim.