Apeli i Challandes: Qëndroni në shtëpi, do rikthehemi për t’i realizuar ëndrrat tona

Trajneri i Kombëtares së Kosovës, Bernard Challandes, ka dërguar një mesazh për tifozët e futbollit në Kosovë, në këto ditë kur bota po lufton me koronavirusin.

Sport

25/03/2020 12:29

Challandes ka kërkuar nga të gjithë të qëndrojnë në shtëpi, derisa koronavirusi të kalojë.

Ai shton se pas kësaj do të rikthehemi për të arritur qëllimet dhe ëndrrat tona.

Mesazhi i Challandes:

Përshëndetje popull i Kosovës, shpresoj që të jeni mirë dhe me shëndet të plotë, në këto ditë të vështira, jo vetëm për Kosovën, por për tërë Evropën, përfshirë edhe Zvicrën që po përballet me koronavirus.

Prandaj në këto kohë të vështira, dëshiroj të ju bëj thirrje të qëndroni në shtëpi, dhe të qetë për sigurinë shëndetësore për ju dhe familjet tuaja.

“Ne do të kalojmë këtë së bashku, por derisa të vijë ajo ditë është e rëndësishme të zbatoni masat e ndërmarra nga institucionet tuaja shtetërore, t’i respektoni ato masa dhe kësisoj ta luftojmë së bashku këtë virus, të cilin do ta mposhtim të gjithë së bashku si një ekip, por edhe me kontributin e secilit prej jush.

Ne do t’ia dalim dhe pastaj do të kthehemi për të arritur qëllimet dhe ëndrrat tona, së bashku, të udhëhequr nga vlerat e ekipit tonë kombëtar, që janë disiplina dhe solidarizimi, kështu ne do të fitojmë.

/Lajmi.net/