Anglia ka bërë një “zbulim” nga ndeshja me Kosovën

9:05 | 11 Shtator 2019

Foto: Getty Images

Raheem Sterling lavdërohet për paraqitjen e tij në fitoren ndaj Kosovës.

Raheem Sterling ishte një nga futbollistët më të mirë të Anglisë në fitoren 5:3 ndaj Kosovës në eliminatoret e Euro 2020.

Madje, tabloidi britanik “Daily Star” e ka krahasuar paraqitjen e tij me legjendën Paul Gascoigne.

“Anglia ka zbuluar një Gascoigne të ri te Sterling”, shkruan “Daily Star”, transmeton lajmi.net.

Sterling ishte një prej kreatorëve më të mëdhenj te golat e Anglisë, derisa shënoi golin e barazimit të përkohshëm 1:1 pas epërsisë së befasishme të Kosovës në minutën e parë të ndeshjes. /Lajmi.net/