Viets u prit në selinë e Vetëvendosjes nga Visar Ymeri, si dhe nënkryetarët Driton Çaushi dhe Aida Dërguti.

Kreu i VV-së, Ymeri gjatë këtij bashkëbisedimi u ndal te zhvillimi ekonomik, duke shprehur shqetësimin e tij për borxhet e akumuluara nga projekte si autostrada dhe nevojën për të siguruar burime të mjaftueshme të brendshme energjetike.

Kryetari i VV-së sqaroi edhe një herë qëndrimin e Lëvizjes Vetëvendosje lidhur me marrëveshjet që ka prodhuar dialogu me Serbinë dhe ndikimin negativ të tyre për shtetin e Kosovës.

Ambasadorja Viets u interesua mbi planet dhe aktivitetet e VV-së gjatë muajve në vijim dhe shpjegoi se ndante të njëjtin shqetësim sa i përket sektorit energjetik në Kosovë, pasi edhe investitorët gjermanë e ngrenë çështjen e energjisë si një nga shqetësimet e tyre lidhur me Kosovën.

Më pas Ambasadorja Viets ripërsëriti se qytetarët e Kosovës të cilët kanë hyrë ilegalisht në Gjermani janë tashmë duke u kthyer nga autoritetet gjermane, duke shtuar se kjo praktikë do të vazhdojë.  /KosovaPress/