Modelja e famshme, Angela Martini gjatë një interviste të fundit për “revistawho.com” ka treguar se tashmë e ka pëmbyllur karrierën e saj si modele, shkruan lajmi.net.

Pas largimit nga modelingu, Angela Martini u angazhua në krejt diçka tjetër, fillimisht si producente e një filmi të metrazhit të shkurtër e më pas ka nisur të shkruaj edhe libra.

“Siç e dini tashmë, unë i kam dhënë fund karrierës si modele dhe kam ndryshuar plotësisht drejtim. Së pari, vitin e kaluar u çertifikova si trajnere jete (një person që ndihmon njerëzit për të arritur qëllimet e tyre dhe që i këshillon për ndryshimet që duhet të bëjnë në jetë). Kjo më dha mundësinë të kuptoja më mirë psikologjinë e njerëzve dhe të përgatitesha për projektet e ardhshme. Së dyti, u bëra producente filmi. Me krenari tregoj se vitin e kaluar përfundova xhirimin e dy filmave me metrazh të shkurtër, me dy mesazhe shumë të fuqishëm, që shpresoj se do prekin zemrat e njerëzve. Të dy do të publikohen këtë vit. Gjithashtu kam edhe disa projekte të tjera filmike, që do të xhirohen po këtë vit. Së treti, po punoj për një tjetër projekt shumë të rëndësishëm, për diçka që vjen direkt nga shpirti, si të jetë fëmija im. Kam punuar për këtë gjë prej dy vitesh dhe këtë vit do jetë gati. Bëhet fjalë për një libër që kam shkruar, një histori vërtet mahnitëse për jetën e nënës sime, dhe një pjesë të jetës sime gjithashtu.

Flet për kuptimin e jetës nga perspektiva ime, duke pasur shembullin më të fortë, jetën e mrekullueshme dhe absolutisht jo të zakonshme të nënës sime. Duke folur tani për projektet e mia, pas më shumë se dy vitesh, mund të them se më janë dukur shumë qesharake disa komente dashakeqe të njerëzve që më flisnin për atë se çfarë bëja dhe si e shpenzoja kohën time. Ata dilnin në konkluzionin se isha duke shpenzuar të gjithë kohën vetëm duke pushuar dhe pa bërë asgjë, vetëm sepse nuk po shihnin diçka nga aktiviteti im në modeling. Tani ka ardhur momenti për të folur për këtë gjë dhe siç duket qartë mund të them se ata njerëz e kanë pasur shumë gabim!”, ka treguar gjërësisht planet e saj Angela Martini gjatë intervistës në fjalë.

E duke e pasur parasysh suksesin në fushën e modelingut, fansat angazhimet e saj që do t’i ketë në vazhdim po i presin me padurim./Lajmi.net/

https://www.instagram.com/p/BtTpas0nqdb/