Pavarësisht ofertave nga Manchester United, Paris Saint-Germain e Monaco, Angel di Maria mund të mbetet në Real Madrid.

Sipas “Sportmediaset”, Carlo Ancelotti e Cristiano Ronaldo janë duke i bërë presion argjentinasit që të mbetet në Santiago Bernabeu.

Di Maria spekulohet me largim nga kampioni i Evropës pas transferimit të kolumbianit James Rodriguez. Mirëpo, ende nuk ka diçka konkrete rreth largimit të tij.

Andaj, Ancelotti dhe Ronaldo raportohet se janë duke shfrytëzuar rastin për të bindur Di Marian që të qëndrojë në Santiago Bernabeu edhe për sezonin e ardhshëm, lajm që do të gëzonte tej mase tifozët e Realit.