Ambasadori i SHBA-së i gëzohet suksesit historik të Kosovës në futboll

13:31 | 1 Prill 2019

Ambasadori i SHBA-së në Kosovë, Philipp Kosnett, po i gëzohet suksesit të djelmoshave tanë në arenën ndërkombëtare.

Philipp Kosnett, e ka shpërndarë shkrimin e gazetës prestigjioze ‘ESPN’ për suksesin e Kosovës në futboll.

Ambasadori amerikan ka thënë se puna e madhe po bënë që Përfaqësuesja jonë të ketë suksese në garat ndërkombëtare.

“Puna e vështirë, praktika, strategjia dhe vendosja e qëllimeve të ekipit para fitimit dhe lavdisë personale … të gjitha kontribuojnë në historinë e ekipit të futbollit në rritje të Kosovës. Të shohim përpara për suksesin e tyre në të ardhmen.”, ka shkruar Kosnett në profilin e tij në Twitter, transmeton lajmi.net.

Shkrimin e plotë të ESPN rreth suksesit të Përfaqësueses së Kosovës në futboll mund ta lexoni këtu. /Lajmi.net/