Ambasadori amerikan shpreh ngushëllime për vdekjen e Arzana Krajës
Ambasadori amerikan në Kosovë, Philip Kosnett, ka shprehur ngushëllime për vdekjen e regjisores Arzana Kraja.
Lajme
Kosnett përmes profilit të tij zyrtar në Twitter, ka shkruar se një talente e madhe na la shumë herët.
“Një talente e madhe na la shumë herët. I pikëlluar pas ndarjes nga jeta të Arzana Krajës. Në emër timin dhe të bashkëshortes dhe të komunitetit të ambasadës së ShBA-së shpreh ngushëllimet më të thella për familjen, shokët dhe komunitetin artistik në Kosovës”, ka shkruar Kosnett.
A great talent has left us too soon! Saddened by the passing of Arzana Kraja. On behalf of myself, Alison, and the U.S. Embassy community – deepest condolences to her family, friends, and the artistic community in #Kosovo.
— Ambassador Philip S. Kosnett (@USAmbKosovo) November 14, 2019
Arzana e cila ishte vajza e kryetarit të Akademisë së Shkencave të Kosovës, Mehmet Kraja, ka dhënë kontribut në fushën e kinematografisë.
Sot do t’i jepet lamtumira e fundit regjisores Arzana Kraja, që ndërroi jetë dje.
Motra e të ndjerës, Gresa Kraja, ka bërë të ditur se varrimi i regjisores do të bëhet në orën 14:00, në varrezat e Dragodanit në Prishtinë.
“Me pikëllim dhe zemër të thyer ju njoftojmë për ndarjen nga jeta të vajzës dhe motrës sonë të dashur Arzana Kraja. Varrimi i saj bëhet të enjten te varrezat e Dragodanit në Prishtinë në orën 14:00. Dyert e familjes do të jenë të hapura në lagjen Ulpiana D9, pranë klinikës “Fati im”, ka shkruar Kraja në Facebook.
