​Ambasadori Abbott: Kosova do të mbetet shumetnike, s’bëhet fjalë për Asociacion njëetnik

Ambasadori i Mbretërisë së Bashkuar në Kosovës, Nicholas Abbott, e ka mirëpritur diskutimin e sotëm për Asociacionin e komunave me shumicë serbe na hapësirat e Ambasadës së Shteteve të Bashkuara të Amerikës në Kosovë. Në llogarinë e tij në Facebook, Abbott ka theksuar se Kosova është një vend shumetnik dhe do të mbetet si i…

Lajme

31/01/2023 16:24

Ambasadori i Mbretërisë së Bashkuar në Kosovës, Nicholas Abbott, e ka mirëpritur diskutimin e sotëm për Asociacionin e komunave me shumicë serbe na hapësirat e Ambasadës së Shteteve të Bashkuara të Amerikës në Kosovë.

Në llogarinë e tij në Facebook, Abbott ka theksuar se Kosova është një vend shumetnik dhe do të mbetet si i tillë dhe se nuk bëhet fjalë për një Asociacion mono etnik.

“Një diskutim i mirëpritur sot nga Ambasadori i ShBA-së dhe me pjesëmarrje të shkëlqyer. Përmes dialogut, Kosova është zotuar për themelimin e ASM-së dhe iu takon palëve të bien dakord për formën dhe kohën e themelimit të saj”.

“Ne inkurajojmë qeverinë të bëjë përparim. Një organ i tillë nuk është vetëm një angazhim ndërkombëtar, por gjithashtu ofron një mundësi për serbët e Kosovës që të jenë pjesë integrale e Kosovës”, ka shtuar ai. “Kosova është një vend shumetnik dhe komunat e saj do të mbeten shumetnike. Nuk bëhet fjalë për krijimin e një Asociacioni një etnik”, është shprehur Abbott.