Megjithatë Massimiliano Allegri ka kërkuar që futbollistët e tij të mos mendojnë për këtë, por të përqendrohen te sfida e të martës ndaj Ajaxit dhe vetëm më pas të nisin festën e titullit.

“Ndaj Spalit nuk do të jetë e lehtë, pasi është një skuadër që ka fituar të dy ndeshjet e fundit në fushën e saj, përfshi këtu edhe përballë Romës. Megjithatë do të preferoja që festa e titullit të vinte pas ndeshjes me Ajaxin, pasi tani të gjithë duhet të mendojmë për sfidën e të martës dhe ta mbyllim me sukses”, tha Allegri, transmeton supersport.

Tekniku bardhezi paralajmëroi se do të lërë në stol një pjesë të madhe të titullarëve, ndërsa tha se Ronaldo nuk do të jetë i grumbulluar, pasi nuk mund të rrezikohet për një ndeshje ku fitorja nuk është detyrim.

“Ronaldo nuk do të jetë, pasi edhe në Holandë ishte në limitet e rikuperimit dhe nuk kem pse ta rrezikojmë. Pastaj, duke pasur parasysh rëndësinë e sfidës së të martës, disa lojtarë do të çlodhen ndaj Spalit, ashtu si disa të tjerë e kanë të nevojshme. Do të luajë Kean, ndërsa në fushë mund të shkojë edhe ndonjë prej të rinjve Nicolussi e Coccolo”, tha tekniku i bardhezinjve.