Sipas gazetarit Spartak Koka, Pakoja e dyshimtë ishte vendosur në mes të rrugës, kur nisesh nga 21 dhjetori në drejtim të qendrës së Tiranës. Rruga u bllokua dhe automjetet janë devijuar për të kaluar në rrugë të tjera.

Ka qenë një qytetar që ka njoftuar policinë për pakon e dyshimtë. Forca të shumta policie kanë rrethuar të gjithë zonën dhe ekspertët xhenierë pas fotografimit termik, kanë bërë hapjen e pakos.

Për shkak të ngjarjeve të dy ditëve të fundit, prania e kësaj pakoje është konsideruar e rrezikshme, por fatmirësisht brenda saj nuk ka pasur asgjë. Nga raportimet në terren mësohet se dhjetëra banorë të zonës janë larguar nga banesat e tyre për shkak të frikës.

Ndërkohë që paraditen e sotme një tjetër sasi eksplozivi u gjet e vendosur në një biçikletë pranë shkollës “Petro Nini Luarasi”, në kryeqytet./Balkanweb/