Aktakuza përfshinë akuzat si organizimin dhe drejtimin e një grupi terrorist; pjesëmarrjen në grup terrorist; përgatitjen e veprave penale terroriste; prodhimin e paligjshëm të materialeve shpërthyese; posedimin e paligjshëm të armëve dhe të eksplozivëve, nxitjen e urrejtjes fetare dhe për sulm të rëndë në territorin e Kosovës, si edhe kryerjen e terrorizmit brenda territorit të Republikës Arabe të Sirisë (Siri);

“Të pandehurit janë arrestuar në Prishtinë duke u përpjekur të blejnë një numër të madh të armëve dhe municionit sulmues ushtarak, si rezultat i hetimeve që po bënte Njësiti kundër terrorizmit i Policisë së Kosovës dhe të agjencive të tjera, për sulm të rëndë të kryer kundër dy misionarëve të krishterë nga Shtetet e Bashkuara.

Në këtë hetim 14 mujor janë përfshirë analizat forenzike të dëshmive nga ana e Agjencisë së Forenzikës të Kosovës dhe të ndihmës juridike ndërkombëtare me shtetet anëtare të Bashkimit Evropian.

Sipas një komunikate për media të lëshuar nga EULEX-i, rasti është duke u ndjekur penalisht nga një prokuror ndërkombëtar i Prokuroria Speciale e Republikës së Kosovës.