Aksidentohet vetura e policisë, lëndohet një polic
Një zyrtar policor ka pësuar lëndime trupore si pasojë e një aksidenti të ndodhur në Prishtinë, mes dy veturave, njëra nga to zyrtare.
Lajme
Zyrtari policor që ka pësuar lëndime trupore ka pranuar edhe trajtim mjekësor, ndërsa me rastin po merret Njësiti i Trafikut.
Këto informacione janë konfirmuar nga zëdhënësja e policisë për Rajonin e Prishtinës, Flora Ahmeti.
“Sot rreth orës 15:30 në rrugën “Ilir Konushevci” në Prishtinë, ka ndodhur një aksident komunikacioni, ku janë të përfshira dy automjete. Si pasojë e aksidentit një person ka pranuar trajtim mjekësor. Me rastin po merret njësiti i trafikut”, ka konfirmuar Ahmeti. /Lajmi.net/