Aksidenti i frikshëm në Formula 1, dëgjohen fjalët e shoferit: Duan të na vrasin
Gara për Çmimin e Madh të Toskanës në Formula 1 ka filluar me një aksident të shumëfishtë.
Sport
Në xhiron e 6-të, në një aksident masiv janë përfshirë 4 makina.
Shoferët Giovinazi, Latifi, Magnusen dhe Sainz pas përplasjes kanë dalë të gjithë nga makinat dhe nuk kanë pësuar lëndime.
Menjëherë pas këtij aksidenti, në pistë ka hyrë makina e sigurisë.
Shkaktar i aksidentit ka qenë Verstapen që ka goditur nga pas Gaslin, teksa nga gara dolën 7 shoferë.
Një nga shoferët e përfshirë ka qenë edhe Grosjean, i cili ka shpërthyer në komunikimin radio me skuadrën e tij.
“Ka qenë një budallallëk i atij që ka qenë në fillim. Duan të na vrasin apo çfarë? Është idiotësia më e madhe që kam parë ndonjëherë”. /Lajmi.net/