Aksident me fatalitet në Podujevë, vdes një person
Mbrëmë rreth orës 19:30, në fshatin Peran të Podujevës, ka ndodhur një aksident trafiku ku për pasojë një person ka vdekur ndërkaq një tjetër është lënduar.
![](https://lajmi.net/wp-content/uploads/2017/03/Foto-ilustrim-2.jpg)
Lajme
Në këtë aksident kanë qenë të përfshira dy vetura të cilat ishin në lëvizje, vetura e tipit “Audi A3” dhe vetura e tipit “Golf II”, që të dyja me targa të Republikës së Kosovës.
Si pasojë e këtij aksidenti janë lënduar dy persona, njëri prej të cilëve pasi që është dërguar në QKUK, ka ndërruar jetë, bëhet fjalë për:
A.Z. 43 vjeç, mashkull, shtetas Kosovar, ( vozitësi i veturës Golf II ), vdekja e të cilit është konfirmuar nga ana e ekipit mjekësor në QKUK.
Ndërsa personi tjetër i lënduar është: A.Z. 13 vjeçare, femër, shtetase e Republikës së Kosovës, (pasagjere në veturën Golf II ) e cila pasi ka marrë trajtimin e nevojshëm mjekësor, është liruar nga QKUK-ja.
Lidhur me këtë aksident një person ( ngasësi i Audi -së) është arrestuar dhe me urdhër të Prokurorit të shtetit, i është shqiptuar masa e ndalimit prej 48orësh.
Ndërkohë që trupi i viktimës është dërguar në Institutin e mjekësisë Ligjore për obduksion. /Lajmi.net/