Një aksident i rëndë trafiku ka ndodhur sot rreth orës 20:30 në Bresje të Fushë Kosovës.

Lajmin për lajmi.net e ka konfirmuar zëdhënësja e Policisë në rajonin e Prishtinës, Flora Ahmeti.

Ajo ka thënë se në këtë aksident ka qenë i përfshirë një automjet dhe një këmbësor, për pasojë këmbësori ka vdekur.

“Sot rreth orës 20:30, kemi pranuar informatën se në Bresje të Fushë Kosovës, ka ndodhur një aksident trafiku me pasoja fatale. Në këtë aksident ka qenë i përfshirë një automjet dhe një këmbësor. Si pasojë e aksidentit këmbësori ka  mbetur i vdekur. Vdekja e viktimës (mashkull)  është konstatuar nga ekipi mjekësor në vendin e ngjarjes. Me rastin po merret njësiti i trafikut rajonal”, ka thënë Ahmeti. /Lajmi.net/