Aksident i rëndë në Gjirokastër, humb jetën 34-vjeçari
Policia në Shqipëri njoftoi se në mesnatë, në rrugën e lagjes “Gërhot” në afërsi të rrugës nacionale Gjirokastër-Tepelenë, automjeti tip “Benz” me drejtues shtetasin E.H., ka dalë nga rruga dhe është përplasur në një mur.
Lajme
Për pasojë ka humbur jetën pasagjeri që ndodhej në mjet, shtetasi J.L., 34-vjeç, banues në Gjirokastër dhe ka mbetur i plagosur drejtuesi i mjetit, shtetasi E.H., 33-vjeç, banues në Gjirokastër, i cili ndodhet në spital.
Siç raportojnë mediet në Shqipëri, paraprakisht dyshohet se drejtuesi i mjetit ka humbur kontrollin për shkak të shpejtësisë së tejkaluar.
Në vendngjarje shkoi grupi hetimor dhe po punon për zbardhjen e plotë të ngjarjes.