Akil Gjakova e rrëmben medaljen e artë në Zagreb

Akil Gjakova ka arritur të fitojë medaljen e artë në turneun e xhudos, Grand Prix, në kryeqytetin kroat Zagreb.

Sport

28/07/2018 17:42

Kosova ka fituar medaljen e parë të artë në Kroaci.

Xhudisti nga Kosova në luftën finale për medaljen e artë në kategorinë deri 73 kilogramë, ka mposhtur italianin Fabio Basile, i cili ishte fitues i medaljes së artë në ‘Rio 2016’ në kategorinë deri në 66 kilogramë.

Në gjysmëfinale, Akil Gjakova po ashtu ka mundur një garues tejet të vështirë. Bëhet fjalë për Rustam Orujov, i cili ishte fitues i medaljes së argjendtë në Lojërat Olimpike në Brazil./Lajmi.net/