Sergio Aguero nuk ka dyshime, ai është i bindur se Lionel Messi nuk do të largohet nga Barcelona.

Sulmuesi i Manchester Cityt ka thënë se bashkëkombësi i tij në ekipin e Argjentinës, është besnik ndaj klubit katalan.

“Messi? Do të ishte e bukur të vinte në City, jemi shokë të mirë, por është besnik ndaj Barcelonës”, deklaroi Aguero për tabloidin britanik “Mirror”.

“Një futbollist duhet të largohet nga klubi për të arritur objektiva, unë i kam të gjitha që më nevojiten në Manchester City”, u shpreh ai.