24 vjeçari pas transferimit nga Sampdoria, është shndërruar në lojtar kyç për mbrojtjen e Interit, duke u rënë në sy edhe skuadrave tjera të Evropës.

Agjenti i lojtarit, Mithat Halis, ka deklaruar se Manchester City duhet të paguajë 100 milionë euro për të marrë shërbimet e Skriniar.

Për t’i fituar shërbimet e Skriniar, Manchester City do të has në një garë të fortë me Real Madridin.

“Inter i ka paguar Sampdorias 28 milionë euro për Skriniar, dhe gjashtë muaj më vonë Manchester City erdhi me një ofertë prej 55 milionë euro”, ka deklaruar Halis për ‘AS’.

“Tani ai vlerësohet rreth 100 milionë euro”, ka shtuar ai./Lajmi.net/