“Në njërën çantë janë gjetur uniforma të zeza dhe një letër që dyshohet se është e shkruar në gjuhën arabe si dhe dy kallashnikov; kurse në çantën tjetër dyshohet se ka eksploziv ose municion”, kanë thënë burime të Indeksonline nga vendi i ngjarjes.

Më 11 korrik janë arrestuar 5 persona afër Liqenit të Badovcit të dyshuar për terrorizëm. Fillimisht ishin arrestuar tre prej tyre, kurse më vonë në lokacione të ndryshme u kapen edhe dy të tjerë.

Atyre u është caktuar tashmë masa e paraburgimit prej 30 ditësh.