Adriano sërish bën lajm pa qenë në fjalë ndonjë ndeshje ose aftësi e tij si futbollist.

Sipas të përditshmes braziliane Lancenet, sulmuesi është ndalur të dielën mbrëma për një kontroll dhe ka refuzuar t’i nënshtrohet testit të alkoolit.

Futbollisti është dashur të telefonoj dikë për të ardhur dhe marrë makinën e tij, Mercedes CLS 63. Nuk është hera e parë që Adriano përfshihet në një episod të ngjashëm.

Më 2011 u ndal dhe sërish refuzoi t’i nënshtrohet testit të alkoolit. Ish sulmuesi i Interit dhe Romës është pa angazhim që më tepër se një vit.

Së fundmi, Palmeiras, Internacional dhe Botafogo ishin interesuar për shërbimet e tij por marrëveshja nuk u arrit me asnjërën skuadër.