Abrashi lajme të mira për Prishtinën: Së shpejti do ta nisim rrugën A 

Ministri i Infrastrukturës, Arban Abrashi, ka thënë se në vitin e ardhshëm do të ketë shumë projekte të reja infrastrukturore që do të nisin.

Lajme

30/10/2020 15:20

Ai përmes një postimi në Facebook, ka treguar se do të ketë projekte nëpër të gjitha komunat e Kosovës, por veçanërisht në kryeqytet, ku ka paralajmëruar se do të nis së shpejti ndërtimi i rrugës A, që është njëra nga pikat më problematike të Prishtinës.

Ky është postimi i plotë i Abrashit:

Këto projekte do të kenë ndikim të jashtëzakonshëm në ekonomi e po ashtu në lehtësimin e lëvizjes dhe ndërlidhjen e Kosovës me vendet fqinje.

Zgjerimi i rrugës nga Besia deri në Podujevë (Lluzhan), Pejë – Kuqishtë – Çakor, zgjerimin Prishtinë – Grashticë (Mutivodë), auto-udhën Gjilan – Dheu i Bardhë, rrugën A në Prishtinë, zgjerimin e hyrjes së Gjakovës nga Peja, rruga nga Kodra e Trimave në Shkabaj, investime në zonën industriale në Fushë Kosovë, vazhdimin e investimeve në Ferizaj, Lipjan, Istog, Shalë të Bajgorës, Dragash, Viti dhe shumë punë tjera.

Këto projekte të reja në kombinim dhe atyre që fillojnë përmes financimit të institucioneve ndërkombëtare, kthejnë Kosovën në kantier ndertimi e zhvillimi. Na priftë e mbara. Vazhdojmë…/Lajmi.net/