Kreu i Lidhjes Demokratike të Kosovës, Lumir Abdixhiku, është takuar sot me emisarin e qeverisë gjermane për Ballkanin Perëndimor, Manuel Sarrazin.

Përmes një njoftimi në Facebook, Abdixhiku ka bërë të ditur se ka biseduar me emisarin gjerman lidhur me dialogun Kosovë-Serbi, shkruan lajmi.net.

Ai ka bërë të ditur se temë diskutimi me Sarrazin ka qenë edhe liberalizimi i vizave dhe Procesin e Berlinit.

Postimi i plotë në Facebook:

Kryetari i LDK-së, Lumir Abdixhiu është takuar sot me të dërguarin e posaçëm të Qeverisë gjermane për vendet e Ballkanit Perëndimor, Manuel Sarrazin.

Gjatë takimit u diskutua për procesin e dialogut Kosovë – Serbi, me ç’rast kryetari Abdixhiku vlerësoj lartë angazhimin e shtuar të Qeverisë gjermane në proces të dialogut si dhe në çështjen e liberalizimit të vizave.

Po ashtu temë e diskutimit ishte edhe Procesi i Berlinit ku kryetari Abdixhiku rikonfirmoi që LDK mbështet bashkëpunimin e gjashtë shteteve të Ballkanit Perëndimor brenda Procesit të Berlinit, ku të gjitha vendet trajtohen barabarësisht.

LDK mbetet e përkushtuar dhe e gatshme për bashkëpunim me aleatët ndërkombëtar për proceset jetike të vendit. /Lajmi.net/