Kreu i Lidhjes Demokratike të Kosovës, Lumir Abdixhiku ka thënë se Kurti përgjatë takimit që kishte me të, i kishte prezantuar diçka tjetër.

Abdixhiku në Rubikon pohoi se shefi i ekzekutivit në takim nuk e kishte ndarë preambulën, përcjell lajmi.net.

Tutje, i pari i LDK-së deklaroi se dy pikat që u vërejtën më së shumti ishin ato që palët nuk gjykojnë çështjet e statutit politik dhe e dyta ajo e tejkalimit apo kapërcimit të trashëgimisë së të shkuarës.

“Ai nuk e kishte ndarë preambulën, i kishim vetëm pikat, vëmendja e parë që më ka shkuar ka qenë te dy elemente e para, palët nuk paragjykojnë çështjet e statutit politik edhe e dyta ka qenë tejkalimi apo kapërcimi i trashëgimisë të së shkuarës.” – ka thënë ai.