AAK: Tendencioze përpjekjet për të na u faturuar parregullsitë e zgjedhjeve
Aleanca për Ardhmërinë e Kosovës ka dalë me një deklaratë për media pas përfundimit të mbledhjes së kryesisë së partisë, e ku temë diskutimi ishte manipulimi me votat e zgjedhjeve të 14 shkurtit.
Lajme
Në deklaratën e kësaj partie thuhet se janë marrë me shqetësim deklaratat për shpërdorimin e votave përfshirë edhe nga kandidatët e AAK-së.
Partia i ka konsideruar tendencioze deklaratat që AAK-ja ka manipuluar me vota.
Deklarata e plotë:
– AAK përshëndet procesin zgjedhor dhe falenderon të gjitha strukturat, vëzhguesit e komisionerët që kanë kontribuar në rregullësinë e këtyre zgjedhjeve.
– AAK njëkohësisht, i ka marrë me shqetësim informatat për shpërdorim të votave të kandidatëve të të gjitha partive politike, përfshirë dhe atyre të Aleancës.
– E konsiderojmë tendencioze përpjekjen që të gjitha parregullësitë në zgjedhje t’i faturohen kryesisht AAK-së.
– Në situatën e krijuar konsiderojmë se është e domosdoshme të rinumërohen të gjitha votat, sepse vetëm në këtë mënyrë mund të zbardhen të gjitha pretendimet për manipulim.
– AAK kërkon nga organet e drejtësisë që të veprojnë në përputhje me ligjin e pa asnjë kompromis ndaj të gjithë atyre që kanë manipuluar me votën e qytetarit të Kosovës. /Lajmi.net/
Deklaratë
– AAK përshëndet procesin zgjedhor dhe falenderon të gjitha strukturat, vëzhguesit e komisionerët që kanë…
Posted by Aleanca për Ardhmërinë e Kosovës on Thursday, March 11, 2021