A po dështon sistemi i shpërndarjes së vaksinave COVAX?

Sistemi i shpërndarjes së vaksinave anti-COVID, COVAX u krijua për të parandaluar vendet e pasura që të monopolizojnë të gjitha dozat e vaksinave, që prodhohen ende në sasi shumë të vogla, për të përmbushur kërkesën globale.

Bota

23/02/2021 07:58

Ai përfshin një mekanizëm financimi që duhet të lejojë 92 ekonomi me të ardhura të ulëta dhe të mesme që të kenë qasje në vaksina.

Mirëpo, vendet e pasura tashmë po iu drejtohen prodhuesve drejtpërdrejt duke siguruar doza shtesë dhe kështu duke ndikuar që të zvogëlohet sasia e përcaktuar për COVAX.

Këtë e vuri në pah edhe kreu i OBSH-së, Tedros Adhanom Ghebreyesus që akuzoi disa vende të pasura për minimin e sistemit të shpërndarjes së vaksinave, COVAX, i destinuar veçanërisht për vendet e paprivilegjuara.

“Aktualisht, disa vende të pasura u janë afruar prodhuesve për të siguruar qasje në doza shtesë të vaksinave antiCOVID-19, gjë që po ndikon në kontratat e tyre me COVAX. Numri i dozave të caktuara për COVAX është zvogëluar për shkak të kësaj”, tha Ghebreyesus.