A mund të përfundojë procesi i dialogut pa Amerikën?
Zëvendëskryeministri Enver Hoxhaj thotë se ekipi negociator për bisedime me Serbinë edhe më herët ka kërkuar që Shtetet e Bashkuara të Amerikës të involvohen në procesin e dialogut mes dy shteteve.
Lajme
I pyetur se a do të mund të kryhet ky proces pa ndërhyrjen e Amerikës, zv/kryeministri Enver Hoxhaj tha se nuk janë të interesuar për një gjë të tillë.
Ai shtoi se Amerika edhe në raste tjera ka pasur partnerë evropianë të cilët në bashkëkoordinim i kanë shtyrë proceset përpara.
Kujtojmë se tash e sa kohë zyrtarë serbë kanë paralajmëruar se me involvimin direkt të SHBA-ve në dialog, do të kërkojnë edhe përfshirjen e Rusisë.
Ndërkaq mbështetjen e SHBA-ve për marrëveshjen Kosovë-Serbi e ka konfirmuar presidenti Donald Trump me letrën e dërguar presidentit Thaçi, si dhe atij të Serbisë, Aleksander Vuçiq.