Qendërmbrojtësi shqiptar, Shkodran Mustafi, është në pjesën e fundit të kontratës së tij me ‘Gunners’.

Pikëpyetjet janë të mëdha mbi atë nëse skuarda duhet ose jo t’i ofrojë Mustafit rinovimin e kontratës.

Lidhur me lojtarin ka folur edhe trajneri i Arsenal, Mikel Arteta, i cili mes tjerash është shprehur i lumtur me paraqitjet e mbrjotësit.

“Jam vërtetë i lumtur me të (Shkodran Mustafi). Mendoj se mund ta shihni qartë mënyrën se si ai po luan dhe sa i përkushtuar ësthë me atë që ne po provojmë të bëjmë”, ka thënë Arteta, transmeton lajmi.net.

“Niveli në të cilin po tregon paraqitjet çdo tri-katër ditë… ka qenë konsistent dhe jam i lumtur me të”, ka shtuar spanjolli.

“Jam i lumtur me të. Kjo është punë e klubit që duhet adresuar, por ai e di opinionin tim për këtë”, ka thënë Arteta, i pyetur nëse duhet vazhduar kontrata e Mustafit.

Mustafi një kohë ishte në mesin e më të kritikuarve nga tifozët e Arsenal. Së fundmi, duket sikur situata për të është përmirësuar. /Lajmi.net/