Qendërmbrojtësi i Real Madridit, Raphael Varane është i lumtur që bëri rikthimin nga lëndimi në fitoren 4-0 ndaj Copenhagenit të mërkurën mbrëma në Ligën e Kampionëve.

Reprezentuesi francez ka munguar prej kur u desh t’i nënshtrohej një operacioni në fund të sezonit të kaluar, por bëri paraqitje bindëse në qendër të mbrojtjes kundër skuadrës daneze.

“Kam punuar shumë dhe ndihem mirë fizikisht”, deklaroi Varane për uebfaqen zyrtare të klubit. “Kam ndjerë kënaqësi të madhe pas mungesës së gjatë dhe edhe më tepër pasi ishte në një ndeshje të Ligës së Kampionëve”, shtoi ai.

Fitorja ishte shumë e nevojshme për Realin edhe në aspektin e përmirësimit të moralit, pas humbjes në derbin e qytetit nga Atletico Madrid në fundjavë.