Adnan Januzaj shkëlqeu sërish për Manchester Unitedin të shtunën, kur shënoi gol pas një veprimi magjik me çka e shmangu një mbrojtës të West Ham Unitedit dhe realizoi golin e dytë në fitoren 3:1  të kampionit të Premierligës në Old Trafford.

Dhe, nuk duhet të çuditeni se tifozët e Unitedit janë të kënaqur me depërtimin e tij këtë edicion dhe paraqitjet mbresëlënëse nga kosovari.

Për nder të tij, ata kanë përgatitur një këngë të re për Januzajn, që këndohet nën melodinë e “Ooh Wakka-Doo-Wakka-Day” nga Gilbert O’Sullivan.

Origjinali i tekstit:

“I want to tell you, I might as well do,

About a boy who do anything,

He comes from Belgium, his name is Adnan,

Januzaj, Januzaj, Januzaj”

Adnan Januzaj është aktualisht një prej futbollistëve më të përfolur në Evropë.

Ylli kosovar shkëlqeu në fundjavë duke realizuar dy gola në debutimin e tij si titullar i Manchester Unitedit në Premierligë, në fitoren 2-1 ndaj Sunderlandit.

Kjo ka bërë që ai të lavdërohet anembanë, dhe si rezultat menjëherë ka fituar një këngë nga përkrahësit e gjigantit anglez.

Tifozët e Manchester Unitedit brohoritën emrin e tij në Stadium of Light, ku Januzaj vërtetë bëri dritë duke shënuar dy gola të bukur që udhëhoqën ekipin drejt një fitoreje të vështirë por shumë të rëndësishme.