Kreu i Reform UK, Nigel Farage ka kritikuar ashpër strukturën institucionale të Bashkimit Evropian, duke thënë se po shkatërron identitetin e shteteve.

“Bashkimi Evropian është një strukturë që shkatërron identitetin e shteteve, që heq qafe demokracinë dhe e vendos pushtetin në duart e burokratëve”, tha Farage për “Quarta Repubblica”, duke akuzuar Brukselin se ka hequr gradualisht autonominë nga vendet anëtare individuale.

“I dua evropianët dhe e dua Evropën, veçanërisht Italinë, por besoj në një Evropë të dallimeve, në shtete individuale që punojnë së bashku”, shtoi ai, duke parashikuar se nëse vazhdojnë në këtë rrugë, edhe Italia do të distancohet.

“Një ditë do të ketë Italexit, më besoni”, vazhdoi Farage, duke lavdëruar punën e kryeministres italiane Giorgia Meloni.

“Unë jam një admirues i madh i saj. Mendoj se ajo i ka sjellë stabilitet të madh politikës italiane dhe ka përmirësuar reputacionin e Italisë në skenën botërore.”, shtoi Farage.