Irani ka ofruar të heqë dorë nga kontrolli i ngushtë mbi Ngushticën e Hormuzit pa e trajtuar programin e tij bërthamor, kanë thënë të hënën dy zyrtarë rajonalë me njohuri për propozimin.

Sipas tyre, Irani gjithashtu kërkon që Shtetet e Bashkuara të heqin bllokadën ndaj vendit si pjesë e marrëveshjes. Zyrtarët folën në kushte anonimiteti për shkak të ndjeshmërisë së negociatave.

Propozimi i ri i është përcjellë SHBA-ve përmes Pakistanit, por sipas vlerësimeve, ai ka pak gjasa të pranohet nga presidenti amerikan Donald Trump, i cili kërkon që çdo marrëveshje të përfshijë ndalimin e plotë të programit bërthamor të Iranit, si dhe hapjen e Ngushticës së Hormuzit dhe stabilizimin e armëpushimit.

“Ne i kemi dorën e sipërme. Nëse duan të flasin, mund të vijnë tek ne ose të na telefonojnë”, tha Donald Trump të dielën për Fox News.

Sipas raportimeve, propozimi i Iranit u publikua fillimisht nga Axios, raporton AP.