Bardhyl Duklini nga Vushtrria ka reaguar publikisht lidhur me trajtimin që, sipas tij, i është bërë nënës së tij në spitalin “Sheikh Zayed”, disa ditë para se ajo të ndërrojë jetë.

Ai thotë se ka paraqitur një denoncim zyrtar në Polici dhe në Ministrinë e Shëndetësisë, ndërsa ka njoftuar edhe institucionet më të larta shtetërore, transmeton lajmi.net.

Duklini pretendon se më 19 nëntor 2025, nëna e tij — e cila trajtohej rregullisht për aritmi — është lënë 35 minuta në pritje pa marrë ndihmën e urgjencës, ndonëse gjendja e saj kërkonte reagim të menjëhershëm. Ai thotë se injeksioni që iu dha më pas është administruar gabimisht nga një teknik dhe jo në mënyrën që lejojnë protokollet mjekësore.

Në postimin e tij ai thekson gjithashtu se të dhënat në raportin mjekësor nuk përputhen me atë që ka ndodhur realisht, duke përmendur mosshënimin e barnave të përdorura dhe ndryshime në vlerat e pulsit të raportuar.

Pas ndarjes nga jeta të nënës më 23 nëntor, familja po kërkon hetim të plotë, përfshirë sigurimin e pamjeve të kamerave, për të verifikuar nëse ka pasur neglizhencë apo shkelje profesionale.

Duklini apelon për veprime të shpejta nga institucionet, duke theksuar se rasti i tij është një thirrje për më shumë përgjegjësi dhe humanitet në sistemin shëndetësor.

Postimi i plotë: