Një pronar barnatoreje në Prishtinë është arrestuar nën dyshimin se i ka ofruar ryshfet prej 100 eurosh një inspektori farmaceutik.

Policia e Kosovës ka njoftuar se pas intervistimit, i dyshuari është dërguar në mbajtje me vendim të prokurorit, raporton lajmi.net

“Sipas hetimeve fillestare, i dyshuari mashkull kosovar dyshohet se ka tentuar të korruptojë inspektorin gjatë kryerjes së detyrës zyrtare. Me vendim të prokurorit, pas intervistimit, ai është ndaluar në mbajtje,” thuhet në raportin e policisë./Lajmi.net/