Sot bëhen tre ditë nga zgjedhja e Dimal Bashës si kryeparlamentar i Kosovës, por Ambasada Amerikane në Prishtinë nuk ka bërë ende ndonjë reagim apo urim publik për këtë ngjarje.

Në vend të kësaj, ambasada ka postuar një mesazh për aktivitetin e ngarkueses me punë, Anu Prattipati, transmeton lajmi.net

Në postimin e saj, Ambasada Amerikane shkruan:

“E ngarkuara me punë, Anu Prattipati iu bashkua kosovarëve në përkujtimin e viktimave të zhdukjes së detyruar gjatë konfliktit në Kosovë. Ne qëndrojmë në solidaritet me familjet e tyre dhe riafirmojmë përkushtimin tonë për të vërtetën dhe drejtësinë. Çdo familje meriton përgjigje për fatin e të dashurve të tyre.”

Ndryshe nga Ambasada Amerikane, disa ambasada të vendeve mike të Kosovës, si ajo e Gjermanisë e kanë uruar publikisht Dimal Bashën për zgjedhjen në krye të Kuvendit.

Madje, edhe Kryeministri në detyrë, Albin Kurti, nuk ka bërë ndonjë urim publik deri më tani.

Ky heshtje e Ambasadës Amerikane po vërehet dhe po krijon spekulime në opinionin publik rreth qëndrimit të saj ndaj kryeparlamentarit të ri./lajmi.net/