Gjatë ditës së sotme qyteti i Prishtinës u tronditë nga një vetëvrasje, ku dyshohet se zyrtari policor, Alban Tolaj i dha fund jetës.

Tolaj dyshohet se u vetëvra në banesën e tij rreth orës 14:00 në banesën e tij në rrugën “Ahmet Korenica” në Prishtinë.

Lajmi.net mësoi nga burimet e veta se në momentin kur ndodhi ngjarja familjarët e të ndjerit ishin prezent.

Sipas informacioneve të para që ka pranuar redaksia jonë, thuhet se zyrtari policor tashmë i ndjerë dyshohet se kohëve të fundit ka pasur probleme shëndetësore dhe një operim në zemër.

Për këtë ngjarje tragjike kanë reaguar edhe familjarët e të ndjerit, ku mes lotësh kanë shkruar vargjet më të dhimbshme për Albanin.

Përmes një postimi emocionues dhimbjen e madhe për humbjen e babait e ka shprehur edhe vajza e tij, Elsa Tolaj.

“Babush, shpirti jem, dashnija jeme e pare dhe ma e madhe… Allahu qofte i meshirshem me ty dhe te shperblefte me Xhenet, aty ku s’ka me dhimbje as mërzi, veç paqe e lumturi.

Inshallah nje dite takohemi prape, aty ku dashnia nuk ka fund. Te don çika jote e vogel perjetësisht, babush. Nuk je fizikisht ketu, por ne zemrën time je çdo sekonde. Pusho i qete, shpirti jem…”, ka shkruar ajo në një postim në Instagram.

Për vdekjen tragjike të tij kanë shkuar edhe miqë e shokë që punonin me Albanin në Policinë e Kosovës.

“I tronditur thellë nga vdekja e parakohëshm e mikut , kolegut tim njëherit Policit Alban Tolaj. Në këto momente të vështira për familen Tolaj dhe gjithë shoqërin, ju shprehi ngushëllimet me të sinqerta.Zoti i madh na dhuroftë forcë me përballu këtë dhimbje! Alban na këpute shpirtin ishe dhe do mbetesh një shok nje koleg dhe një mik i pa shembul dhe unikat! Qofsh banor i Xhennetit o miku im”, shkroi miku i tij polic.

Ndërkaq, sipas njoftimit të familjarëve thuhet se varrimi i të ndjerit do të bëhet nesër nga ora 16:30 me namazin e Ikendisë në Pejë.

Rastin për lajmi.net e konfirmoi edhe Policia e Kosovës, ku thanë se ka elemente që çojnë të një vetëvrasje por që hetimet janë duke vazhduar.