Shefi i Grupit Parlamentar të AAK-së, Besnik Tahiri sot në fjalën e tij në seancën e Kuvendit të Kosovës komentoi fjalimin e kryeministrit Kurti.

Kurti tha se në mandatin e tij po e prezantonte buxhetin e katërt, e këtu ia “huqi” Besnik Tahiri.

“Sot, ndoshta seanca e fundit për këtë vit po e diskutojmë dokumentin e qeverisë të kryeministrit Albin Kurti dhe kabinetit të tij. Në fjalën e tij hyrëse filloi e po lavdohej se si ky është buxheti i tij i katërt në “MANDATIN E KATËRT”, por për vlerësimin e qytetarëve ky është buxheti i tij më i dështuar”, tha Tahiri e kësaj i reaguan pozita.

“Mos na i ndjell kështu Besnik se s’di a mundemi katër”, ia ktheu me të qeshur Glauku Konjufca.

“A u kënaqët a? A u gëzuat a. Të fundit e keni”, ishte kundërpërgjigja e Tahirit të AAK-së.