Donald Trump tashmë ka dalë para turmës në Florida, saktësisht në “festë” e fushatës së tij të organizuar në “Palm Beach”.

Ai është pritur me një brohoritje të madhe nga njerëzit.

Bashk me të ishte edhe bashkëshortja, Melania Trump dhe pjesëtarë të stafit të Trump të cilët u morën nga afër me fushatë, transmeton lajmi.net.

Trump e ka përshkruar këtë fitore politike derisa ka falënderuar turmën që e zgjodhën atë president të tyre të 47-të.

Por mos harroni se Trump-it i duhen edhe katër vota të kolegjit zgjedhor, kështu që teknikisht ende s’e ka fituar garën, transmeton lajmi.net.

Turma janë dëgjuar teksa thërrasin Amerika, Amerika.

Trump deklaroi se “Ne do të ndihmojmë vendin tonë të shërohet”.

Ai u zotua se do të rregullojë kufijtë, duke shtuar se partia e tij bënë histori për një arsye.

Ai madje u ka thënë amerikanëve që shpreson se një ditë të shohin prapa dhe të kuptojnë se kjo ishte një nga ditët më të rëndësishme të jetës së tyre.

“Amerika na ka dhënë një mandat të paprecedentë dhe të fuqishëm”, duke iu referuar partisë së tij që fitoi Senatin nga Partia Demokratike.

Trump vazhdon duke thënë se kjo do të jetë “epoka e artë” e Amerikës, transmeton lajmi.net.

“Kjo është një fitore madhështore për popullin amerikan, që do të na lejojë ta bëjmë Amerikën përsëri të madhe”,shton ai.

Trump shpalli fitoren e tij, ndonëse ende s’i ka arritur votat zyrtare të kërkuara të kolegjit zgjedhor./Lajmi.net/