Një shpërthim ndodhi pak orë më parë në një lokal në rrugën ‘’Simon Shiroka’’ në Prishtinë, Policia ka njoftuar se nga ky rast nuk të lënduar.

Kështu ka bërë të ditur për Lajmi.net Agron Borovci, zëdhënës për media në Policinë e Kosovës, Qendra në Prishtinë.

Rreth orës 19:30, është pranuar informata se në rrugën “Simon Shiroka” në Prishtinë, një lokal është përfshirë nga zjarri. Policia menjëherë ka dalë në vendin e ngjarjes dhe ka ftuar edhe zjarrfikësit me qëllim të lokalizimit të zjarrit” ka thënë Borovci.

Tutje ai ka shtuar se disa banorë janë evakuar nga vendi i ngjarjes për shkaqe sigurie.

“Për shkaqe sigurie janë evakuuar disa banorë përreth vendit të ngjarjes, ndërkaq deri më tani nuk raportohet për të lënduar përveç dëmeve materiale. ” shtoi Borovci.

Policia në koordinim me prokurorin e shtetit ka nisur ndërmarrjen e veprimeve hetimore për sqarimin e plotë të rrethanave që karakterizojnë ngjarjen./Lajmi.net/