Pronari i “Tasty Pita” në Gjilan, po ofron iftare pa pagesë për të gjithë personat të cilët nuk kanë mundësi ta paguajnë.

Gazetarja e lajmi.net ka vizituar lokalin, ku rreth kësaj mundësie ka folur vet pronari, shkruan lajmi.net.

“Klientë të dashur, kushdo që nuk ka mundësi të paguaj, ju ftojmë të vini në lokalin tonë dhe të shijoni iftarin pa pagesë për 30 ditët e këtij muaji të shenjtë. Ju mirëpresim”, thuhet në ekranin brenda lokalit.

“Duke e pa që ka nevojë, e që ka pas ma herët kërkesa, është dashtë me ju bë zgjidhje ose me jua ndalë bukën”, ka thënë pronari i lokalit, duke thënë se është gjest i ulët kthimi mbrapa i këtyre personave.

Ai më tutje shtoi se disa ju shkruajnë zakonisht më përpara, duke menduar se këtë po e bëjnë vetëm si reklamë.

Lidhur me këtë pronari tha se i presin të gjithë, kushdo që vjen duke u munduar të mos i bëjnë të ndihen keq.

Kjo ofertë vlen për të gjithë, pa marrë parasysh se nga vinë. /Lajmi.net/