Trajneri i Real Madridit, Carlo Ancelotti ka shpjeguar se nuk ka ndërmend ta forcojë skuadrën deri në fund të afatit kalimtar.

“Jo, e përjashtoj mundësinë e përforcimeve të reja. 100 për qind është e sigurtë. Ka mbaruar, do të refuzoj çdo ofertë deri në fund të afatit kalimtar”, deklaroi ai për mediat spanjolle, transmeton lajmi.net.

Dritarja e transferimeve në botën e futbollit mbyllet të premten e 1 shtatorit në orën 11:00 dhe sipas deklaratës së Ancelottit, Reali do të mbajë skuadrën aktuale dhe do të hyjë me të në sezon.

Emri i Kylian Mbappe ishte më i lakuari në merkaton e verës te Real Madridi, transferim i cili sipas gjitha gjasave mund të ndodh vetëm verën e ardhshme me parametra zero.

Në karrierën e tij, përveç Klubit Mbretëror, trajneri i njohur drejtoi skuadra të tjera të suksesshme të pesë ligave Everton, Bayern, Napoli, PSG, Chelsea, Milan, Juventus dhe fitoi 4 tituj të Ligës së Kampionëve./Lajmi.net/