Ylli i Kosovës, Vedat Muriqi është rikthyer në stërvitje me ekipin e tij.

Pushimet për sulmuesin ‘dardan’ kanë marrë fund.

Muriqi sot është rikthyer në aksion me ekipin spanjoll, Mallorca.

Rikthimin e tij në stërvitje e ka bërë të ditur faqja zyrtare e klubit me mbishkrimin “Rikthimi i Muriqit. Është radha e tij”.

Sezonin që lamë pas kosovari kishte rol kyç me gjithsej 15 gola për ekipin e tij, duke u futur në Top 5-she.

Me Mallorca ai ka kontratë deri në vitin 2027, por së fundi u aludua që mund të largohet nga aty.

Muriqi lidhet me një rikthim në Superligën turke, te Galatasaray./Lajmi.net/