Mesfushori me përvojë, Astrit Fazliu ka përforcuar skuadrën e Ligës së Parë, Vjosës.

Lajmin e ka bërë të ditur faqja zyrtare e klubit nga Shtimja në rrjetet sociale, shkruan lajmi.net.

Astrit Fazliu edicionin e fundit ishte pjesë e Ferizajt në Superligën e Kosovës.

“Astrit Fazliu është përforcimi i madh i KF. Vjosa Astriti është ndër lojtarët më të trofeshëm në Kosovë, 5 herë kampion i Kosovës, 3 herë fitues i Kupës. Me Astritin i shtojmë kualitet dhe shumë përvojë ekipës sonë. Mirësevjen Astrit në qytetin e Shtimes dhe në KF.Vjosa” – thuhet ndër tjerash në njoftimin zyrtar.

Fazliu gjatë karrierës së tij ka luajtur në klubet e mëdha të futbollit në Kosovë, ndërkohë që karrierë ka bërë edhe në Shqipëri e Maqedoni të Veriut./Lajmi.net/