Në Nyon të Zvicrës është bërë hedhja e shortit për fazën çerekfinale të Ligës së Kampionëve.

Përballja kryesore pa dyshim se do të jetë ajo ndërmjet Manchester Cityt dhe Bayern Munichut. Ndeshja e parë luhet në Angli, shkruan lajmi.net.

Kampionët në fuqi të Ligës së Kampionëve, Real Madridi do të ketë punë me Chelsean. Takimi i parë luhet në “Santiago Bernabeu”.

Takim tjetër interesant është edhe ajo mes dy rivalëve të Serie A, Napolit dhe Milanit.

LEXO EDHE:

Man City – Bayern Munich dhe Real Madrid – Chelsea, kryendeshjet çerekfinale në Ligën e Kampionëve

Gjithashtu janë mësuar edhe çiftet e mundshme gjysmëfinale në ligën më prestigjioze të futbollit evropian.

Fituesi i ndeshjes Real Madrid – Chelsea luan në gjysmëfinale me fituesin e takimit Manchester City – Bayern Munich.

Në gjysmëfinalen tjetër do të përballet fituesi i ndeshjes Milan – Napoli me fituesin e përballjes Inter – Benfica.

Ndeshjet e para të dueleve çerekfinaliste do të luhen të martën dhe të mërkurën e 11 dhe 12 prillit, ndërsa ato të kthimit do të zhvillohen në datat 18 dhe 19 prill./Lajmi.net/