Mallorca ka pësuar humbje shokuese në shtëpi nga Elche, skuadra e fundit në renditjen tabelore në La Liga.

Mallorca u mposht 0:1 nga Elche, në kuadër të javës së 24-të kampionale në La Liga, shkruan lajmi.net.

Vedat Muriqi ishte i pafat në këtë ndeshje, pasi shënoi gol në minutën e shtatë shtesë, por pas rishikimit me VAR, goli u anulua për një ndërhyrje të palejuar paraprake.

Për mysafirët hero ishte Boye që shënoi golin e fitores për skuadrën e tij.

Mallorca është e 10-ta me 31 pikë. Elche mbetet e fundit me 12 pikë./Lajmi.net/