Trajneri i Man City, Pep Guardiola ka komentuar fitoren ndaj Chelsea.

Manchester City mbrëmë mori një fitore të madhe në ‘Stamford Bridge’.

Kampioni në fuqi fituan 1:0 dhe vazhdojnë garën për titull.

Në këtë takim lojë të mirë bëri adoleshenti, Rico Lewis, që sipas Pep ai ndryshoi rrjedhën e takimit.

“Ai është një lojtar kyç për ne në mënyrën se si po luajmë tani”, tha fillimisht trajneri i ‘Citizens’.

“Ka lojtarë që luajnë shumë mirë për veten e tyre, por ai ka aftësinë për ta bërë të gjithë ekipin të luajë më mirë.

Çdo moment ai e di se kur të hapet brenda dhe çfarë të bëjë. Ai e ndryshoi lojën”, përfundoi Pep.

Lewis kishte filluar tre ndeshje radhazi përpara udhëtimit në ‘Stamford Bridge’ dhe tani duket se do të luajë një rol të rëndësishëm në garën për titull edhe këtë sezon./Lajmi.net/