Drejtori i Bayern Munich, Hasan Salihamidzic ka folur përsëri lidhur me Harry Kane.

Ylli anglez i Tottenham Hotspur, Harry Kane tash e sa kohë lidhet me një kalim të mundshëm te Bayern.

Drejtori sportiv i bavarezëve ka refuzuar të jap shumë komente, por ka thënë se anglezi është një nga sulmuesit më të mirë në botë.

“Sigurisht, Kane është një lojtar i një klubi tjetër dhe unë s’dua të flas për këtë”, ka thënë fillimisht Salihamidzic, përcjell lajmi.net.

“Por, unë mund të them se Kane është një nga sulmuesit më të mirë në botë”, shtoi ai.

Bayern Munich me shumë gjasë do të tentojnë transferimin e Kane në merkaton e verës së ardhshme. /Lajmi.net/